mere badan mein chhupi aag ko hawa dega

Bashir Farooqi

mere badan mein chhupi aag ko hawa dega

Bashir Farooqi

MORE BYBashir Farooqi

    mire badan meñ chhupī aag ko havā degā

    vo jism phuul hai lekin mujhe jalā degā

    tumhāre mehrbāñ hāthoñ ko mere shāne se

    mujhe gumāñ bhī na thā vaqt yuuñ haTā degā

    hai aur kaun mire ghar meñ ye savāl na kar

    mirā javāb tirā rañg-e-ruḳh uḌā degā

    chale bhī aao ki ye Dūbtā huā sūraj

    charāġh jalne se pahle mujhe bujhā degā

    khaḌe hue haiñ yahāñ to buland-himmat log

    thake huoñ ko bhalā kaun rāsta degā

    daroñ ko band karo varna āñdhiyoñ ye zor

    tumhāre kachche gharoñ chhateñ uḌā degā

    jahāñ sab apne dāman ko dekhte hoñ 'bashīr'

    us anjuman meñ bhalā kaun kis ko kyā degā

    mere badan mein chhupi aag ko hawa dega

    wo jism phul hai lekin mujhe jala dega

    tumhaare mehrban hathon ko mere shane se

    mujhe guman bhi na tha waqt yun haTa dega

    hai aur kaun mere ghar mein ye sawal na kar

    mera jawab tera rang-e-ruKH uDa dega

    chale bhi aao ki ye Dubta hua suraj

    charagh jalne se pahle mujhe bujha dega

    khaDe hue hain yahan to buland-himmat log

    thake huon ko bhala kaun rasta dega

    daron ko band karo warna aandhiyon ka ye zor

    tumhaare kachche gharon ki chhaten uDa dega

    jahan sab apne hi daman ko dekhte hon 'bashir'

    us anjuman mein bhala kaun kis ko kya dega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY