mere shanon pe unki zulf lahrai to kya hoga
mire shānoñ pe un kī zulf lahrā.ī to kyā hogā
mohabbat ko ḳhunuk saa.e meñ niiñd aa.ī to kyā hogā
pareshāñ ho ke dil tark-e-ta.alluq par hai āmāda
mohabbat meñ ye sūrat bhī na raas aa.ī to kyā hogā
sar-e-mahfil vo mujh se be-sabab āñkheñ churāte haiñ
koī aise meñ tohmat un ke sar aa.ī to kyā hogā
mujhe paiham mohabbat kī nazar se dekhne vaale
mire dil par tirī tasvīr utar aa.ī to kyā hogā
bahut masrūr haiñ vo chhīn kar dil kā sukūñ 'unvāñ'
hujūm-e-ġham meñ bhī mujh ko hañsī aa.ī to kyā hogā
mere shanon pe un ki zulf lahrai to kya hoga
mohabbat ko KHunuk sae mein nind aai to kya hoga
pareshan ho ke dil tark-e-talluq par hai aamada
mohabbat mein ye surat bhi na ras aai to kya hoga
sar-e-mahfil wo mujh se be-sabab aankhen churaate hain
koi aise mein tohmat un ke sar aai to kya hoga
mujhe paiham mohabbat ki nazar se dekhne wale
mere dil par teri taswir utar aai to kya hoga
bahut masrur hain wo chhin kar dil ka sukun 'unwan'
hujum-e-gham mein bhi mujh ko hansi aai to kya hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
