aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

muddaton ke baad phir kunj-e-hira raushan hua

Faza Ibn e Faizi

muddaton ke baad phir kunj-e-hira raushan hua

Faza Ibn e Faizi

MORE BYFaza Ibn e Faizi

    muddatoñ ke baad phir kunj-e-hirā raushan huā

    kis ke lab par dekhnā harf-e-duā raushan huā

    ruuh ko ālā.ish-e-ġham se kabhī ḳhālī na rakh

    yaanī be-zangār kis aa.inā raushan huā

    ye tamāshā dīdanī Thahrā magar dekhegā kaun

    ho ga.e ham raakh to dast-e-duā raushan huā

    raat jañgal safar sab ham-safar bichhḌe hue

    de na ham ko ye bashārat rāstā raushan huā

    ḳhvāhishoñ ḳhvāboñ paikar sahī merā vajūd

    ik sitāre haqīqat kyā bujhā raushan huā

    bū-e-gul pattoñ meñ chhuptī phir rahī thī der se

    nā-gahāñ shāḳhoñ meñ ik dast-e-sabā raushan huā

    is qadar mazbūt mausam par rahī kis giraft

    maiñ ki mujh se sīna-e-āb-o-havā raushan huā

    ik zarā us se baḌhī qurbat to āñkheñ khul ga.iiñ

    us ke mere biich thā jo fāslā raushan huā

    vaqt ne kis aag meñ itnā jalāyā hai mujhe

    jis qadar raushan thā maiñ us se sivā raushan huā

    mujh ko merī āgahī āñkhoñ se ojhal kar ga.ī

    us ne jo kuchh lauh-e-jāñ par likh diyā raushan huā

    ai 'fazā' itnī kushāda kab thī ma.anī jihat

    mere lafzoñ se ufuq ik dūsrā raushan huā

    muddaton ke baad phir kunj-e-hira raushan hua

    kis ke lab par dekhna harf-e-dua raushan hua

    ruh ko aalaish-e-gham se kabhi KHali na rakh

    yani be-zangar kis ka aaina raushan hua

    ye tamasha didani Thahra magar dekhega kaun

    ho gae hum rakh to dast-e-dua raushan hua

    raat jangal ka safar sab ham-safar bichhDe hue

    de na hum ko ye bashaarat rasta raushan hua

    KHwahishon KHwabon ka paikar hi sahi mera wajud

    ek sitare ki haqiqat kya bujha raushan hua

    bu-e-gul patton mein chhupti phir rahi thi der se

    na-gahan shaKHon mein ek dast-e-saba raushan hua

    is qadar mazbut mausam par rahi kis ki giraft

    main ki mujh se sina-e-ab-o-hawa raushan hua

    ek zara us se baDhi qurbat to aankhen khul gain

    us ke mere bich tha jo fasla raushan hua

    waqt ne kis aag mein itna jalaya hai mujhe

    jis qadar raushan tha main us se siwa raushan hua

    mujh ko meri aagahi aankhon se ojhal kar gai

    us ne jo kuchh lauh-e-jaan par likh diya raushan hua

    ai 'faza' itni kushada kab thi mani ki jihat

    mere lafzon se ufuq ek dusra raushan hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now