na jaane kaun si ghaflat mein hun main

na jaane kaun sī ġhaflat meñ huuñ maiñ

ajab se dard kī shiddat meñ huuñ maiñ

chalo phir kal milūñgā yaar tum se

abhī to ishq kī mayyat meñ huuñ maiñ

dikhā thā ḳhvāb meñ rotā huā dil

kahūñ kyā ab talak dahshat meñ huuñ maiñ

mujhe tum DhūñDhte phirte kahāñ ho

tumhāre pyaar kī lazzat meñ huuñ maiñ

hameñ bichhḌe to ik arsa huā par

sunā hai aaj tak aadat meñ huuñ maiñ

kisī jaadū yā Tone kā asar hai

suno kuchh roz se diqqat meñ huuñ maiñ

tumheñ kuchh 'mīt' se kahnā hai shāyad

chale aao abhī fursat meñ huuñ maiñ

na jaane kaun si ghaflat mein hun main

ajab se dard ki shiddat mein hun main

chalo phir kal milunga yar tum se

abhi to ishq ki mayyat mein hun main

dikha tha KHwab mein rota hua dil

kahun kya ab talak dahshat mein hun main

mujhe tum DhunDhte phirte kahan ho

tumhaare pyar ki lazzat mein hun main

hamein bichhDe to ek arsa hua par

suna hai aaj tak aadat mein hun main

kisi jadu ya Tone ka asar hai

suno kuchh roz se diqqat mein hun main

tumhein kuchh 'mit' se kahna hai shayad

chale aao abhi fursat mein hun main