naqsh dil se na miTa zarra barabar us ka
naqsh dil se na miTā zarra barābar us kā
sabt hai aaj bhī dīvār pe paikar us kā
maiñ ne sāhil se use Dūbte dekhā thā faqat
mujhe ġharqāb karegā yahī manzar us kā
aks bhī dīda-e-qātil meñ lahū ban ke rahā
qatl ho kar bhī jamā rañg barābar us kā
karb-e-tanhā.ī zarā ruuh se nikle to sahī
muntazir hai koī is dasht ke bāhar us kā
jā chukā vo to samundar kī tahoñ meñ 'mid.hat'
baiTh kar ret pe ab naam likhā kar us kā
naqsh dil se na miTa zarra barabar us ka
sabt hai aaj bhi diwar pe paikar us ka
main ne sahil se use Dubte dekha tha faqat
mujhe gharqab karega yahi manzar us ka
aks bhi dida-e-qatil mein lahu ban ke raha
qatl ho kar bhi jama rang barabar us ka
karb-e-tanhai zara ruh se nikle to sahi
muntazir hai koi is dasht ke bahar us ka
ja chuka wo to samundar ki tahon mein 'midhat'
baiTh kar ret pe ab nam likha kar us ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
