ne aadmi pasand na isko KHuda pasand

ne aadmī pasand na is ko ḳhudā pasand

hai aa.ine meñ qaid mirā ā.inā-pasand

do-chār din bhī ham se nibāhī nahīñ ga.ī

vo mo'tadil mizāj thā maiñ intihā pasand

vo ḳhud-fareb shaḳhs thā patthar-shanās thā

aayā na us ko koī bhī apne sivā pasand

pūchhe hai ham ne kaahe kiyā kufr iḳhtiyār

ġhaflat pasand hai na hameñ aasrā pasand

ġhauġhā-e-marg chāroñ taraf phailne lagā

kyā is jahāñ ko chhoḌ ga.e bādiya-pasand

us par hī bhejtā hai vo aafat bhī maut bhī

shāyad use ġharīb kā bachcha hai nā-pasand

ākāsh ek shaḳhs hai duniyā se muḳhtalif

pahlī nazar meñ hī tumheñ aa jā.egā pasand

ne aadmi pasand na is ko KHuda pasand

hai aaine mein qaid mera aaina-pasand

do-chaar din bhi hum se nibahi nahin gai

wo mo'tadil mizaj tha main intiha pasand

wo KHud-fareb shaKHs tha patthar-shanas tha

aaya na us ko koi bhi apne siwa pasand

puchhe hai hum ne kahe kiya kufr iKHtiyar

ghaflat pasand hai na hamein aasra pasand

ghaugha-e-marg chaaron taraf phailne laga

kya is jahan ko chhoD gae baadiya-pasand

us par hi bhejta hai wo aafat bhi maut bhi

shayad use gharib ka bachcha hai na-pasand

aakash ek shaKHs hai duniya se muKHtalif

pahli nazar mein hi tumhein aa jaega pasand