nigah-e-shauq agar dil ki tarjuman ho jae

nigāh-e-shauq agar dil kī tarjumāñ ho jaa.e

to zarra zarra mohabbat kā rāz-dāñ ho jaa.e

phir us ke ranj-o-ġham o daaġh kī hai had koī

jo is jahāñ meñ ghaḌī bhar ko shādmāñ ho jaa.e

kasī se kyā gila-e-jaur-e-āsmāñ kiije

ki jis zamīñ pe raheñ ham vo āsmāñ ho jaa.e

'hayā' Thikānā bhī kuchh aisī dard-mandī kā

ki lab tak aa.e na ik harf aur fuġhāñ ho jaa.e

nigah-e-shauq agar dil ki tarjuman ho jae

to zarra zarra mohabbat ka raaz-dan ho jae

phir us ke ranj-o-gham o dagh ki hai had koi

jo is jahan mein ghaDi bhar ko shadman ho jae

kasi se kya gila-e-jaur-e-asman kije

ki jis zamin pe rahen hum wo aasman ho jae

'haya' Thikana bhi kuchh aisi dard-mandi ka

ki lab tak aae na ek harf aur fughan ho jae