parsaon ne baDe zarf ka izhaar kiya

pārsāoñ ne baḌe zarf kā iz.hār kiyā

ham se pī aur hameñ rusvā sar-e-bāzār kiyā

dard kī dhuup meñ sahrā kī tarah saath rahe

shaam aa.ī to lipaT kar hameñ dīvār kiyā

raat phūloñ kī numā.ish meñ vo ḳhush-jism se log

aap to ḳhvāb hue aur hameñ bedār kiyā

kuchh vo āñkhoñ ko lage sañg pe sabze kī tarah

kuchh sarāboñ ne hameñ tishna-e-dīdār kiyā

tum to resham the chaTānoñ kī nigah-dārī meñ

kis havā ne tumheñ pā-basta-e-yalġhār kiyā

ham bure kyā the ki ik sidq ko samjhe the sipar

vo bhī achchhe the ki bas yaar kahā vaar kiyā

sañgsārī meñ to vo haath bhī uTThā thā 'atā'

jis ne ma.asūm kahā jis ne gunahgār kiyā

parsaon ne baDe zarf ka izhaar kiya

hum se pi aur hamein ruswa sar-e-bazar kiya

dard ki dhup mein sahra ki tarah sath rahe

sham aai to lipaT kar hamein diwar kiya

raat phulon ki numaish mein wo KHush-jism se log

aap to KHwab hue aur hamein bedar kiya

kuchh wo aankhon ko lage sang pe sabze ki tarah

kuchh sarabon ne hamein tishna-e-didar kiya

tum to resham the chaTanon ki nigah-dari mein

kis hawa ne tumhein pa-basta-e-yalghaar kiya

hum bure kya the ki ek sidq ko samjhe the sipar

wo bhi achchhe the ki bas yar kaha war kiya

sangsari mein to wo hath bhi uTTha tha 'ata'

jis ne masum kaha jis ne gunahgar kiya