پنچھیوں کی کسی قطار کے ساتھ
بال و پر بھی گئے بہار کے ساتھ
کام آسان تو نہیں پھر بھی
جی رہے ہیں دل فگار کے ساتھ
آنسوؤں کی طرح وجود مرا
بہتا جاتا ہے آبشار کے ساتھ
اڑ رہا ہے جو تیری گلیوں میں
میں بھی شامل ہوں اس غبار کے ساتھ
شام وحشت کہاں پہ لے آئی
تو مجھے اپنے انتظار کے ساتھ
اور بھی اک حصار ہے اظہرؔ
شہر زنداں کے اس حصار کے ساتھ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
