panchhiyon ki kisi qatar ke sath
panchhiyoñ kī kisī qatār ke saath
bāl-o-par bhī ga.e bahār ke saath
kaam āsān to nahīñ phir bhī
jī rahe haiñ dil-e-figār ke saath
āñsuoñ kī tarah vajūd mirā
bahtā jaatā hai ābshār ke saath
uḌ rahā hai jo terī galiyoñ meñ
maiñ bhī shāmil huuñ us ġhubār ke saath
shām-e-vahshat kahāñ pe le aa.ī
tū mujhe apne intizār ke saath
aur bhī ik hisār hai 'az.har'
shahr-e-zindāñ ke is hisār ke saath
panchhiyon ki kisi qatar ke sath
baal-o-par bhi gae bahaar ke sath
kaam aasan to nahin phir bhi
ji rahe hain dil-e-figar ke sath
aansuon ki tarah wajud mera
bahta jata hai aabshaar ke sath
uD raha hai jo teri galiyon mein
main bhi shamil hun us ghubar ke sath
sham-e-wahshat kahan pe le aai
tu mujhe apne intizar ke sath
aur bhi ek hisar hai 'azhar'
shahr-e-zindan ke is hisar ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
