phal hai us but ki aashnai ka

phal hai us but kī āshnā.ī kā

mujh ko da.avā hai ab ḳhudā.ī kā

na laḌāo nazar raqīboñ se

kaam achchhā nahīñ laḌā.ī kā

āsmāñ par nahīñ hilāl numūd

na.al hai terī zerpā.ī kā

gul meñ thī is qadar kahāñ surḳhī

aks hai panja-e-hinā.ī kā

kis sitamgar se tū ne ai kāfir

tarz sīkhā hai dilrubā.ī kā

chādar-e-āsmān hāzir ho

tū jo astar kare razā.ī kā

vaqt kyā aa gayā hai sad-afsos

bhaa.ī dushman huā hai bhaa.ī kā

go barahman pisar vo qātil hai

dil milā hai magar qasā.ī kā

kuchh mirā hī nahīñ vo but ma.abūd

ba-ḳhudā hai ḳhudā ḳhudā.ī kā

'sehr' kyā us ne kar diyā jaadū

mujh ko da.avā thā pārsā.ī kā

phal hai us but ki aashnai ka

mujh ko dawa hai ab KHudai ka

na laDao nazar raqibon se

kaam achchha nahin laDai ka

aasman par nahin hilal numud

nal hai teri zerpai ka

gul mein thi is qadar kahan surKHi

aks hai panja-e-hinai ka

kis sitamgar se tu ne ai kafir

tarz sikha hai dilrubai ka

chadar-e-asman hazir ho

tu jo astar kare razai ka

waqt kya aa gaya hai sad-afsos

bhai dushman hua hai bhai ka

go barahman pisar wo qatil hai

dil mila hai magar qasai ka

kuchh mera hi nahin wo but mabud

ba-KHuda hai KHuda KHudai ka

'sehr' kya us ne kar diya jadu

mujh ko dawa tha parsai ka