phenkte sang-e-sada dariya-e-virani mein hum

pheñkte sañg-e-sadā dariyā-e-vīrānī meñ ham

phir ubharte dā.era-dar-dā.era paanī meñ ham

ik zarā yūñhī basar kar leñ girāñ-jānī meñ ham

phir tumheñ shām-o-sahar rakkheñge hairānī meñ ham

ik havā āḳhir uḌā hī le ga.ī gard-e-vajūd

sochiye kyā ḳhaak the us kī nigahbānī meñ ham

vo to kahiye dil kī kaifiyyat hī ā.īna na thī

varna kyā kyā dekhte is ghar kī vīrānī meñ ham

mahv-e-hairat the ki be-mausam nadī pāyāb thī

bas khaḌe dekhā kiye utre nahīñ paanī meñ ham

us se milnā aur bichhaḌnā der tak phir sochnā

kitnī dushvārī ke saath aa.e the āsānī meñ ham

phenkte sang-e-sada dariya-e-virani mein hum

phir ubharte daera-dar-daera pani mein hum

ek zara yunhi basar kar len giran-jaani mein hum

phir tumhein sham-o-sahar rakkhenge hairani mein hum

ek hawa aaKHir uDa hi le gai gard-e-wajud

sochiye kya KHak the us ki nigahbani mein hum

wo to kahiye dil ki kaifiyyat hi aaina na thi

warna kya kya dekhte is ghar ki virani mein hum

mahw-e-hairat the ki be-mausam nadi payab thi

bas khaDe dekha kiye utre nahin pani mein hum

us se milna aur bichhaDna der tak phir sochna

kitni dushwari ke sath aae the aasani mein hum