phir qissa-e-shab likh dene ke ye dil haalat banae hai

phir qissa-e-shab likh dene ke ye dil hālāt banā.e hai

har sher hamārā āḳhir ko terī hī baat banā.e hai

tum ko hai bahut inkār to tum bhī is kī taraf jā kar dekho

vo shaḳhs amāvas raat ko kaise chāndnī raat banā.e hai

ab ḳhvāb meñ bhī us zālim ko bas hijr kā saudā rahtā hai

ai jazba-e-dil tū kis ke liye ye phuul aur paat banā.e hai

kyā hosh-o-ḳhirad kyā harf-o-navā sab apne liye bekār hue

qirtās-e-nazar par tanhā.ī biite lamhāt banā.e hai

har baar vahī hijrāñ hijrāñ kā shor machāne vaalā dil

apnī hī kare hai rishta-e-ġham tere hī saat banā.e hai

kyā jāniye ab ke mausam meñ kab vaqt ke jī meñ kyā aa.e

kis kī auqāt bigāḌe hai kis kī auqāt banā.e hai

ye terā divāna raat ga.e mālūm nahīñ kyuuñ pahroñ tak

aañsū kī lakīroñ se kitne naqsh-e-jazbāt banā.e hai

phir qissa-e-shab likh dene ke ye dil haalat banae hai

har sher hamara aaKHir ko teri hi baat banae hai

tum ko hai bahut inkar to tum bhi is ki taraf ja kar dekho

wo shaKHs amawas raat ko kaise chandni raat banae hai

ab KHwab mein bhi us zalim ko bas hijr ka sauda rahta hai

ai jazba-e-dil tu kis ke liye ye phul aur pat banae hai

kya hosh-o-KHirad kya harf-o-nawa sab apne liye bekar hue

qirtas-e-nazar par tanhai bite lamhat banae hai

har bar wahi hijran hijran ka shor machane wala dil

apni hi kare hai rishta-e-gham tere hi sat banae hai

kya jaaniye ab ke mausam mein kab waqt ke ji mein kya aae

kis ki auqat bigaDe hai kis ki auqat banae hai

ye tera diwana raat gae malum nahin kyun pahron tak

aansu ki lakiron se kitne naqsh-e-jazbaat banae hai