sab log kahani mein hi masruf rahe the

sab log kahānī meñ hī masrūf rahe the

dar-asl adākār haqīqat meñ mare the

jaate hue kamre kī kisī chiiz ko chhū de

maiñ yaad karūñgā ki tire haath lage the

āñkheñ bhī tirī fat.h na kar paa.e abhī tak

kis lamha-e-bekār meñ ham log bane the

ham yūñhī kisī baat ko dil par nahīñ lete

nuqsān ziyāda the so ghabrā.e hue the

itnā hī batā saktā huuñ ahbāb ke baare

kuchh tiir mirī pusht kī jānib se chale the

maiñ ne to kahā thā ki nikal jaate haiñ donoñ

us vaqt kahānī meñ sabhī log na.e the

sab log kahani mein hi masruf rahe the

dar-asl adakar haqiqat mein mare the

jate hue kamre ki kisi chiz ko chhu de

main yaad karunga ki tere hath lage the

aankhen bhi teri fath na kar pae abhi tak

kis lamha-e-bekar mein hum log bane the

hum yunhi kisi baat ko dil par nahin lete

nuqsan ziyaada the so ghabrae hue the

itna hi bata sakta hun ahbab ke bare

kuchh tir meri pusht ki jaanib se chale the

main ne to kaha tha ki nikal jate hain donon

us waqt kahani mein sabhi log nae the