shahr bhar ke aainon par KHak Dali jaegi
shahr bhar ke ā.inoñ par ḳhaak Daalī jā.egī
aaj phir sachchā.ī kī sūrat chhupā lī jā.egī
us kī āñkhoñ meñ lapaktī aag hai behad shadīd
sochtā huuñ ye qayāmat kaise Taalī jā.egī
mushta.il kar degā us ko ik zarā sā ehtijāj
mujh pe kyā guzrī hai is par ḳhaak Daalī jā.egī
qaid kā ehsās bhī hogā na ham ko dosto
yuuñ hamāre paañv meñ zanjīr Daalī jā.egī
ai mohabbat lafz ban kar itnī sanjīda na ho
ek din tū bhī kitāboñ se nikālī jā.egī
sharm se ḳhurshīd apnā muñh chhupā legā kahīñ
roz-e-raushan meñ bhī 'dānish' raat Dhā lī jā.egī
shahr bhar ke aainon par KHak Dali jaegi
aaj phir sachchai ki surat chhupa li jaegi
us ki aankhon mein lapakti aag hai behad shadid
sochta hun ye qayamat kaise Tali jaegi
mushtail kar dega us ko ek zara sa ehtijaj
mujh pe kya guzri hai is par KHak Dali jaegi
qaid ka ehsas bhi hoga na hum ko dosto
yun hamare panw mein zanjir Dali jaegi
ai mohabbat lafz ban kar itni sanjida na ho
ek din tu bhi kitabon se nikali jaegi
sharm se KHurshid apna munh chhupa lega kahin
roz-e-raushan mein bhi 'danish' raat Dha li jaegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
