talash-e-qafiya mein umr sab guzari hai
talāsh-e-qāfiya meñ umr sab guzārī hai
tū puḳhtagī jise kahtā hai ḳhām-kārī hai
sabhī haiñ apne magar ajnabī se lagte haiñ
ye zindagī hai ki hotel meñ shab guzārī hai
vo saare din rahā daftar meñ aur raat Dhale
nazar ke kaase meñ ik ḳhvāb kā bhikārī hai
kuchh aisā bichhḌā huuñ ḳhud se ki mil nahīñ saktā
agarche kaam ba-zāhir ye iḳhtiyārī hai
na jaane kyuuñ mirī āñkhoñ meñ chubh rahī hai aaj
safed saarī pe jo ye siyāh dhārī hai
mujhe class meñ aksar ye qaul yaad aayā
vo kāmyāb moallim hai jo madārī hai
talash-e-qafiya mein umr sab guzari hai
tu puKHtagi jise kahta hai KHam-kari hai
sabhi hain apne magar ajnabi se lagte hain
ye zindagi hai ki hotel mein shab guzari hai
wo sare din raha daftar mein aur raat Dhale
nazar ke kase mein ek KHwab ka bhikari hai
kuchh aisa bichhDa hun KHud se ki mil nahin sakta
agarche kaam ba-zahir ye iKHtiyari hai
na jaane kyun meri aankhon mein chubh rahi hai aaj
safed sari pe jo ye siyah dhaari hai
mujhe class mein aksar ye qaul yaad aaya
wo kaamyab moallim hai jo madari hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
