taqdir ke darbar mein alqab paDe the

taqdīr ke darbār meñ alqāb paḌe the

ham log magar ḳhvāb meñ be-ḳhvāb paḌe the

yaḳh-basta havāoñ meñ thī ḳhāmosh haqīqat

ham soch kī dahlīz pe betāb paḌe the

tasvīr thī ehsās kī tahrīr havā kī

sahrā meñ tire aks ke girdāb paḌe the

kal raat meñ jis raah se ghar lauT ke aayā

us raah meñ bikhre hue kuchh ḳhvāb paḌe the

vo phuul jinheñ aap ne dekhā thā adā se

ujḌe hue mausam meñ bhī shādāb paḌe the

pachchīs baras baad use dekh ke sochā

ik qatra-e-kam-zāt meñ ġharqāb paḌe the

ham log to aḳhlāq bhī rakh aa.e haiñ 'sāhil'

raddī ke isī Dher meñ ādāb paḌe the

taqdir ke darbar mein alqab paDe the

hum log magar KHwab mein be-KHwab paDe the

yaKH-basta hawaon mein thi KHamosh haqiqat

hum soch ki dahliz pe betab paDe the

taswir thi ehsas ki tahrir hawa ki

sahra mein tere aks ke girdab paDe the

kal raat mein jis rah se ghar lauT ke aaya

us rah mein bikhre hue kuchh KHwab paDe the

wo phul jinhen aap ne dekha tha ada se

ujDe hue mausam mein bhi shadab paDe the

pachchis baras baad use dekh ke socha

ek qatra-e-kam-zat mein gharqab paDe the

hum log to aKHlaq bhi rakh aae hain 'sahil'

raddi ke isi Dher mein aadab paDe the