tariq-e-ishq mein barbaad hona paDta hai

tarīq-e-ishq meñ barbād honā paḌtā hai

guloñ kī chaah meñ kāñToñ pe sonā paḌtā hai

bas ek lamha-e-rāz-o-niyāz kī ḳhātir

bashar ko muddatoñ chhup-chhup ke ronā paḌtā hai

zamīr bech ke mansab to mil hī jā.egā

vaqār pahle magar is meñ khonā paḌtā hai

hai bad-lihāz ye duniyā koī kahāñ jaa.e

qadam qadam pe yahāñ ḳhvār honā paḌtā hai

ye fāqa-kash ki jinheñ haif ḳhud-farebī meñ

shikam kī serī ko paanī bilonā paḌtā hai

ma.āshre kā ho nāsūr yā badan kā ghaav

ilaaj ke liye nashtar chubhonā paḌtā hai

pasāre haath to phirte ho māl-o-zar ke liye

bil-āḳhir un se magar haath dhonā paḌtā hai

parā.e dard meñ hotā nahīñ sharīk koī

ġhamoñ ke bojh ko ḳhud aap Dhonā paḌtā hai

ye sach hai 'chāñd' shagufta ġhazal jo kahnī ho

qalam ko ḳhūn-e-jigar meñ Dubonā paḌtā hai

tariq-e-ishq mein barbaad hona paDta hai

gulon ki chah mein kanTon pe sona paDta hai

bas ek lamha-e-raaz-o-niyaz ki KHatir

bashar ko muddaton chhup-chhup ke rona paDta hai

zamir bech ke mansab to mil hi jaega

waqar pahle magar is mein khona paDta hai

hai bad-lihaz ye duniya koi kahan jae

qadam qadam pe yahan KHwar hona paDta hai

ye faqa-kash ki jinhen haif KHud-farebi mein

shikam ki seri ko pani bilona paDta hai

maashre ka ho nasur ya badan ka ghaw

ilaj ke liye nashtar chubhona paDta hai

pasare hath to phirte ho mal-o-zar ke liye

bil-aKHir un se magar hath dhona paDta hai

parae dard mein hota nahin sharik koi

ghamon ke bojh ko KHud aap Dhona paDta hai

ye sach hai 'chand' shagufta ghazal jo kahni ho

qalam ko KHun-e-jigar mein Dubona paDta hai