tera KHulus-e-dil to mahall-e-nazar nahin

Gopal Mittal

tera KHulus-e-dil to mahall-e-nazar nahin

Gopal Mittal

MORE BYGopal Mittal

    terā ḳhulūs-e-dil to mahall-e-nazar nahīñ

    par kuchh to hai jo terī zabāñ meñ asar nahīñ

    ab vo nahīñ hai jalva-e-sham-o-sahar rañg

    terā jamāl shāmil-e-husn-e-nazar nahīñ

    hai markaz-e-nigāh abhī tak vo āstāñ

    ye aur baat hai ki majāl-e-safar nahīñ

    uḌ bhī chaleñ to ab vo bahār-e-chaman kahāñ

    haañ haañ nahīñ mujhe havas-e-bāl-o-par nahīñ

    tark-e-ta.alluqāt ḳhud apnā qusūr thā

    ab kyā gila ki un ko hamārī ḳhabar nahīñ

    chup chaap sah rahe haiñ ki apnoñ jaur hai

    ab ḳhuub jānte haiñ fuġhāñ kārgar nahīñ

    kuchh hai to apnī zūd-yaqīnī se hai gila

    tujh se to ab kalām bhī ai chārāgar nahīñ

    tera KHulus-e-dil to mahall-e-nazar nahin

    par kuchh to hai jo teri zaban mein asar nahin

    ab wo nahin hai jalwa-e-sham-o-sahar ka rang

    tera jamal shamil-e-husn-e-nazar nahin

    hai markaz-e-nigah abhi tak wo aastan

    ye aur baat hai ki majal-e-safar nahin

    uD bhi chalen to ab wo bahaar-e-chaman kahan

    han han nahin mujhe hawas-e-baal-o-par nahin

    tark-e-talluqat KHud apna qusur tha

    ab kya gila ki un ko hamari KHabar nahin

    chup chap sah rahe hain ki apnon ka jaur hai

    ab KHub jaante hain fughan kargar nahin

    kuchh hai to apni zud-yaqini se hai gila

    tujh se to ab kalam bhi ai chaaragar nahin

    RECITATIONS

    Nomaan Shauque

    Nomaan Shauque

    Nomaan Shauque

    tera KHulus-e-dil to mahall-e-nazar nahin Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY