toD kar ahd-e-karam na-ashna ho jaiye

Hasrat Mohani

toD kar ahd-e-karam na-ashna ho jaiye

Hasrat Mohani

MORE BY Hasrat Mohani

    toḌ kar ahd-e-karam nā-āshnā ho jā.iye

    banda-parvar jā.iye achchhā ḳhafā ho jā.iye

    mere uzr-e-jurm par mutlaq na kiije iltifāt

    balki pahle se bhī baḌh kar kaj-adā ho jā.iye

    ḳhātir-e-mahrūm ko kar dījiye mahv-e-alam

    dar-pa-e-īzā-e-jān-e-mubtalā ho jā.iye

    raah meñ miliye kabhī mujh se to az-rāh-e-sitam

    hoñT apnā kaaT kar fauran judā ho jā.iye

    gar nigāh-e-shauq ko mahv-e-tamāshā dekhiye

    qahr nazroñ se masrūf-e-sazā ho jā.iye

    merī tahrīr-e-nadāmat na diije kuchh javāb

    dekh liije aur taġhāful-āshnā ho jā.iye

    mujh se tanhā.ī meñ gar miliye to diije gāliyāñ

    aur bazm-e-ġhair meñ jān-e-hayā ho jā.iye

    haañ yahī merī vafā-e-be-asar hai sazā

    aap kuchh is se bhī baḌh kar pur-jafā ho jā.iye

    meñ aatā hai ki us shoḳh-e-taġhāful-kesh se

    ab na miliye phir kabhī aur bevafā ho jā.iye

    kāvish-e-dard-e-jigar lazzatoñ ko bhuul kar

    mā.il-e-ārām o mushtāq-e-shifā ho jā.iye

    ek bhī armāñ na rah jaa.e dil-e-māyūs meñ

    yaanī āḳhir be-niyāz-e-mudda.ā ho jā.iye

    bhuul kar bhī us sitam-parvar phir aa.e na yaad

    is qadar begāna-e-ahd-e-vafā ho jā.iye

    haa.e be-iḳhtiyārī ye to sab kuchh ho magar

    us sarāpā naaz se kyūñkar ḳhafā ho jā.iye

    chāhtā hai mujh ko bhūle na bhūlūñ maiñ tujhe

    tere is tarz-e-taġhāful ke fidā ho jā.iye

    kashmakash-hā-e-alam se ab ye 'hasrat' meñ hai

    chhuT ke in jhagḌoñ se mehmān-e-qazā ho jā.iye

    toD kar ahd-e-karam na-ashna ho jaiye

    banda-parwar jaiye achchha KHafa ho jaiye

    mere uzr-e-jurm par mutlaq na kije iltifat

    balki pahle se bhi baDh kar kaj-ada ho jaiye

    KHatir-e-mahrum ko kar dijiye mahw-e-alam

    dar-pa-e-iza-e-jaan-e-mubtala ho jaiye

    rah mein miliye kabhi mujh se to az-rah-e-sitam

    honT apna kaT kar fauran juda ho jaiye

    gar nigah-e-shauq ko mahw-e-tamasha dekhiye

    qahr ki nazron se masruf-e-saza ho jaiye

    meri tahrir-e-nadamat ka na dije kuchh jawab

    dekh lije aur taghaful-ashna ho jaiye

    mujh se tanhai mein gar miliye to dije galiyan

    aur bazm-e-ghair mein jaan-e-haya ho jaiye

    han yahi meri wafa-e-be-asar ki hai saza

    aap kuchh is se bhi baDh kar pur-jafa ho jaiye

    ji mein aata hai ki us shoKH-e-taghaful-kesh se

    ab na miliye phir kabhi aur bewafa ho jaiye

    kawish-e-dard-e-jigar ki lazzaton ko bhul kar

    mail-e-aram o mushtaq-e-shifa ho jaiye

    ek bhi arman na rah jae dil-e-mayus mein

    yani aaKHir be-niyaz-e-muddaa ho jaiye

    bhul kar bhi us sitam-parwar ki phir aae na yaad

    is qadar begana-e-ahd-e-wafa ho jaiye

    hae ri be-iKHtiyari ye to sab kuchh ho magar

    us sarapa naz se kyunkar KHafa ho jaiye

    chahta hai mujh ko tu bhule na bhulun main tujhe

    tere is tarz-e-taghaful ke fida ho jaiye

    kashmakash-ha-e-alam se ab ye 'hasrat' ji mein hai

    chhuT ke in jhagDon se mehman-e-qaza ho jaiye

    Videos
    This video is playing from YouTube

    Videos
    This video is playing from YouTube

    M. Kaleem

    M. Kaleem

    RECITATIONS

    Nomaan Shauque

    Nomaan Shauque

    Nomaan Shauque

    toD kar ahd-e-karam na-ashna ho jaiye Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites