un ke milne ka ba-zahir to yaqin koi nahin
un ke milne kā ba-zāhir to yaqīñ koī nahīñ
vo agar chāheñ koī shak hai nahīñ koī nahīñ
ai junūñ terī 'ināyat se hai tanhā.ī nasīb
aur to saare bayābāñ meñ kahīñ koī nahīñ
mutma.in jab the to himmat kā thā saath apne hujūm
Dar jahāñ hone lagā ham ko vahīñ koī nahīñ
'ishq kī rāhoñ meñ aayā hai ik aisā bhī maqām
sirf ik maiñ huuñ vahāñ ahl-e-zamīñ koī nahīñ
ek din naqsh-e-qadam par mire ban jā.egī raah
aaj sahrā meñ to tanhā huuñ kahīñ koī nahīñ
un ke milne ka ba-zahir to yaqin koi nahin
wo agar chahen koi shak hai nahin koi nahin
ai junun teri 'inayat se hai tanhai nasib
aur to sare bayaban mein kahin koi nahin
mutmain jab the to himmat ka tha sath apne hujum
Dar jahan hone laga hum ko wahin koi nahin
'ishq ki rahon mein aaya hai ek aisa bhi maqam
sirf ek main hun wahan ahl-e-zamin koi nahin
ek din naqsh-e-qadam par mere ban jaegi rah
aaj sahra mein to tanha hun kahin koi nahin
- Book : Mujalla Dastavez (Pg. 165)
- Author : Aziz Nabeel
- Publication : Edarah Dastavez (2013-14)
- Edition : 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
