uski sochen aur uski guftugu meri tarah

Aziz Nabeel

uski sochen aur uski guftugu meri tarah

Aziz Nabeel

MORE BYAziz Nabeel

    us socheñ aur us guftugū merī tarah

    vo sunahrā aadmī thā hū-ba-hū merī tarah

    ek barg-e-be-shajar aur ik sadā-e-bāzgasht

    donoñ āvāra phire haiñ kū-ba-kū merī tarah

    chāñd taare ik diyā aur raat komal badan

    sub.h-dam bikhre paḌe the chaar merī tarah

    lutf āvegā bahut ai sākinān-e-qasr-e-nāz

    be-dar-o-dīvār bhī rahiyo kabhū merī tarah

    dekhnā phir lazzat-e-kaifiyyat-e-tishna-labī

    toḌ de pahle sabhī jām-o-subū merī tarah

    ik piyāda sar karegā saarā maidān-e-jadal

    shart hai josh-e-junūñ aur justujū merī tarah

    us ki sochen aur us ki guftugu meri tarah

    wo sunahra aadmi tha hu-ba-hu meri tarah

    ek barg-e-be-shajar aur ek sada-e-bazgasht

    donon aawara phire hain ku-ba-ku meri tarah

    chand tare ek diya aur raat ka komal badan

    subh-dam bikhre paDe the chaar su meri tarah

    lutf aawega bahut ai sakinan-e-qasr-e-naz

    be-dar-o-diwar bhi rahiyo kabhu meri tarah

    dekhna phir lazzat-e-kaifiyyat-e-tishna-labi

    toD de pahle sabhi jam-o-subu meri tarah

    ek piyaada sar karega sara maidan-e-jadal

    shart hai josh-e-junun aur justuju meri tarah

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY