use bhulne ka sitam kar rahe hain

use bhūlne kā sitam kar rahe haiñ

ham apnī aziyyat ko kam kar rahe haiñ

hamārī nigāhoñ se sapne churā kar

vo kis kī nigāhoñ meñ zam kar rahe haiñ

hayāt-e-ravāñ kī har ik nā-ravā.ī

ham apne lahū se raqam kar rahe haiñ

bhalī kyuuñ lage ham ko ḳhushiyoñ kī dastak

abhī ham mohabbat kā ġham kar rahe haiñ

kise dukh sunā.eñ sabhī to yahāñ par

shumār apne apne alam kar rahe haiñ

suḳhan ko siyāsat kā ziina dikhā kar

tamāsha ye ahl-e-qalam kar rahe haiñ

use bhulne ka sitam kar rahe hain

hum apni aziyyat ko kam kar rahe hain

hamari nigahon se sapne chura kar

wo kis ki nigahon mein zam kar rahe hain

hayat-e-rawan ki har ek na-rawai

hum apne lahu se raqam kar rahe hain

bhali kyun lage hum ko KHushiyon ki dastak

abhi hum mohabbat ka gham kar rahe hain

kise dukh sunaen sabhi to yahan par

shumar apne apne alam kar rahe hain

suKHan ko siyasat ka zina dikha kar

tamasha ye ahl-e-qalam kar rahe hain