walwale jitne safar ke the safar itne na the

valvale jitne safar ke the safar itne na the

duur the raushan nagar ham se magar itne na the

band āñkheñ jab khulīñ to raushnī pahchān lī

be-ḳhabar ham hoñ to hoñ par be-basar itne na the

maslahat ke haath ab apnī anā bhī bik ga.ī

be-sar-o-sāmāñ the pahle bhī magar itne na the

mustahiq āñkheñ mirī jānib uThī thiiñ jis qadar

dukh to ye hai merī shāḳhoñ par samar itne na the

sat.h-e-chehra par bhī pahle ek Thahrāv sā thā

dil kī gahrā.ī meñ bhī 'mohsin' bhañvar itne na the

walwale jitne safar ke the safar itne na the

dur the raushan nagar hum se magar itne na the

band aankhen jab khulin to raushni pahchan li

be-KHabar hum hon to hon par be-basar itne na the

maslahat ke hath ab apni ana bhi bik gai

be-sar-o-saman the pahle bhi magar itne na the

mustahiq aankhen meri jaanib uThi thin jis qadar

dukh to ye hai meri shaKHon par samar itne na the

sath-e-chehra par bhi pahle ek Thahraw sa tha

dil ki gahrai mein bhi 'mohsin' bhanwar itne na the