wo jo mahw the sar-e-aina pas-e-aina bhi to dekhte

vo jo mahv the sar-e-ā.ina pas-e-ā.ina bhī to dekhte

kabhī raushnī meñ vo tīrgī ko chhupā huā bhī to dekhte

to ye jaan lete ki sach hai kyā ye jo fard-e-jurm hai sab ġhalat

vo jo paḌh ke matn hī rah ga.e kabhī hāshiya bhī to dekhte

sar-e-āb-jū rahe tishna-lab to ye zabt-e-ġham kī hai intihā

mire haal pe the jo nukta-chīñ mirā hausla bhī to dekhte

vo utar ga.e the jo paar ḳhud mujhe biich bahr meñ chhoḌ kar

thā jo un meñ itnā hī hausla mujhe Dūbtā bhī to dekhte

jinheñ mujh se hai ye gila ki maiñ rahī be-niyāz-e-ḳhulūs-o-rabt

mere gird rasm-o-rivāj kā kabhī dā.era bhī to dekhte

vo mirī ḳhushī se haiñ ḳhush-gumāñ ki nashāt-e-zīst hai mudda.ā

mire ashk-e-ġham kā rukā huā kabhī qāfila bhī to dekhte

wo jo mahw the sar-e-aina pas-e-aina bhi to dekhte

kabhi raushni mein wo tirgi ko chhupa hua bhi to dekhte

to ye jaan lete ki sach hai kya ye jo fard-e-jurm hai sab ghalat

wo jo paDh ke matn hi rah gae kabhi hashiya bhi to dekhte

sar-e-ab-ju rahe tishna-lab to ye zabt-e-gham ki hai intiha

mere haal pe the jo nukta-chin mera hausla bhi to dekhte

wo utar gae the jo par KHud mujhe bich bahr mein chhoD kar

tha jo un mein itna hi hausla mujhe Dubta bhi to dekhte

jinhen mujh se hai ye gila ki main rahi be-niyaz-e-KHulus-o-rabt

mere gird rasm-o-riwaj ka kabhi daera bhi to dekhte

wo meri KHushi se hain KHush-guman ki nashat-e-zist hai muddaa

mere ashk-e-gham ka ruka hua kabhi qafila bhi to dekhte