wo meri bekasi par kash thoDa mehrban hota
vo merī bekasī par kaash thoḌā mehrbāñ hotā
pareshāñ-hāl ho kar maiñ yaqīnan shādmāñ hotā
yaqīñ kar ki maiñ tujh se bhī ziyāda chāhtā us ko
jo mere jaisā terā aur koī qadr-dāñ hotā
khare khoTe kā andāza tujhe bhī kuchh to lag jaatā
raqīb-e-rū-siyah kā jo liyā gar imtihāñ hotā
na hotā dasht-o-vīrāna agar sahrā-e-be-pāyāñ
ġharīb āshiq koī ābād phir jā kar kahāñ hotā
makāñ is daur meñ pocket edition bante haiñ 'ḳhushtar'
koī dālān āñgan aur koī sā.ebāñ hotā
wo meri bekasi par kash thoDa mehrban hota
pareshan-haal ho kar main yaqinan shadman hota
yaqin kar ki main tujh se bhi ziyaada chahta us ko
jo mere jaisa tera aur koi qadr-dan hota
khare khoTe ka andaza tujhe bhi kuchh to lag jata
raqib-e-ru-siyah ka jo liya gar imtihan hota
na hota dasht-o-virana agar sahra-e-be-payan
gharib aashiq koi aabaad phir ja kar kahan hota
makan is daur mein pocket edition bante hain 'KHushtar'
koi dalan aangan aur koi saeban hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
