ye kis ke aasman ki hadon mein chhupa hun main

ye kis ke āsmāñ kī hadoñ meñ chhupā huuñ maiñ

apnī zamīñ se uTh ke kahāñ aa gayā huuñ maiñ

bādal meñ chhup gayā hai jo sūraj tū hī to thā

jo jal rahā hai ghar meñ vo raushan diyā huuñ maiñ

jā.egā tū jahāñ bhī rahūñgā maiñ tere saath

tū abr-e-be-niyāz to bahtī havā huuñ maiñ

rah kar bhī har maqām pe dikhtā nahīñ hai kyuuñ

kab ḳhud ko apne-āp meñ āḳhir milā huuñ maiñ

tere azal abad ke kināroñ ke darmiyāñ

kartī hai bāzgasht jo aisī sadā huuñ maiñ

phir yuuñ huā ki raushnī had se sivā huī

ḳhurshīd-e-zau-fishār thā dekho bujhā huuñ maiñ

hotā zafar qarār jo nashtar nahīñ huā

'jāved' dasht-e-sher meñ be-dast-o-pā huuñ maiñ

ye kis ke aasman ki hadon mein chhupa hun main

apni zamin se uTh ke kahan aa gaya hun main

baadal mein chhup gaya hai jo suraj tu hi to tha

jo jal raha hai ghar mein wo raushan diya hun main

jaega tu jahan bhi rahunga main tere sath

tu abr-e-be-niyaz to bahti hawa hun main

rah kar bhi har maqam pe dikhta nahin hai kyun

kab KHud ko apne-ap mein aaKHir mila hun main

tere azal abad ke kinaron ke darmiyan

karti hai bazgasht jo aisi sada hun main

phir yun hua ki raushni had se siwa hui

KHurshid-e-zau-fishaar tha dekho bujha hun main

hota zafar qarar jo nashtar nahin hua

'jawed' dasht-e-sher mein be-dast-o-pa hun main