ye umr-e-sad-balā jo apne hī sar ga.ī hai
thoḌī guzār leñge thoḌā guzar ga.ī hai
yā muuñd liiñ haiñ āñkheñ yā muñd ga.iiñ haiñ āñkheñ
tujh par pas-e-tamāshā kyā kyā guzar ga.ī hai
mumkin nahīñ hai shāyad donoñ kā saath rahnā
terī ḳhabar jab aa.ī apnī ḳhabar ga.ī hai
shor-e-ḳhizāñ hai ghar meñ dīvār-o-bām-o-dar meñ
dar par savārī kal aa kar Thahar ga.ī hai
ma.alūm hī nahīñ hai kuchh farq hī nahīñ hai
ye din guzar gayā hai yā shab guzar ga.ī hai
har gul-badan ko taknā āñkhoñ se chuum rakhnā
dīvāngī hamārī had se guzar ga.ī hai
ye umr-e-sad-bala jo apne hi sar gai hai
thoDi guzar lenge thoDa guzar gai hai
ya mund lin hain aankhen ya mund gain hain aankhen
tujh par pas-e-tamasha kya kya guzar gai hai
mumkin nahin hai shayad donon ka sath rahna
teri KHabar jab aai apni KHabar gai hai
shor-e-KHizan hai ghar mein diwar-o-baam-o-dar mein
dar par sawari kal aa kar Thahar gai hai
malum hi nahin hai kuchh farq hi nahin hai
ye din guzar gaya hai ya shab guzar gai hai
har gul-badan ko takna aankhon se chum rakhna
diwangi hamari had se guzar gai hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.