zaif ruh hui par badan Dhala ki nahin

za.iif ruuh huī par badan Dhalā ki nahīñ

ke tere des terā rāsta banā ki nahīñ

haiñ apnī zaat ke munkir zamīn-o-āb bhī kyā

udaas rañg shajar kā harā huā ki nahīñ

ye bahs chhoḌ ke kitnī hasīn hai duniyā

tū ye batā ki terā dil kahīñ lagā ki nahīñ

maiñ ḳhud se ruuTh ke duniyā kā ho chukā thā magar

vo mujh ko chhoḌ ke apnā bhī ho sakā ki nahīñ

nahīñ vo haal ke ehsās-e-nau barat pā.ūñ

tū fāsle hī se mujh ko sambhāl aa ki nahīñ

zaif ruh hui par badan Dhala ki nahin

ke tere des tera rasta bana ki nahin

hain apni zat ke munkir zamin-o-ab bhi kya

udas rang shajar ka hara hua ki nahin

ye bahs chhoD ke kitni hasin hai duniya

tu ye bata ki tera dil kahin laga ki nahin

main KHud se ruTh ke duniya ka ho chuka tha magar

wo mujh ko chhoD ke apna bhi ho saka ki nahin

nahin wo haal ke ehsas-e-nau barat paun

tu fasle hi se mujh ko sambhaal aa ki nahin