zaKHm agar gul hai to phir us ka samar bhi hoga
zaḳhm agar gul hai to phir us kā samar bhī hogā
hijr kī raat meñ poshīda qamar bhī hogā
hausla daad ke qābil hai yaqīnan us kā
us ko ma.alūm thā dariyā meñ bhañvar bhī hogā
kaun suntā hai yahāñ past-sadā.ī itnī
tum agar chīḳh ke bolo to asar bhī hogā
kuchh na kuchh raḳht-e-safar paas bachā kar rakhnā
ik safar aur pas-e-ḳhatm-e-safar bhī hogā
mutma.in rahiye yūñhī ḳhud ko tasallī diije
yahī jiinā yahī jiine kā hunar bhī hogā
umr guzrī hai isī ek tamannā meñ 'nadīm'
mujh se be-ghar kā kahīñ shahr meñ ghar bhī hogā
zaKHm agar gul hai to phir us ka samar bhi hoga
hijr ki raat mein poshida qamar bhi hoga
hausla dad ke qabil hai yaqinan us ka
us ko malum tha dariya mein bhanwar bhi hoga
kaun sunta hai yahan past-sadai itni
tum agar chiKH ke bolo to asar bhi hoga
kuchh na kuchh raKHt-e-safar pas bacha kar rakhna
ek safar aur pas-e-KHatm-e-safar bhi hoga
mutmain rahiye yunhi KHud ko tasalli dije
yahi jina yahi jine ka hunar bhi hoga
umr guzri hai isi ek tamanna mein 'nadim'
mujh se be-ghar ka kahin shahr mein ghar bhi hoga
- Book : Ghazal Ke Rang (Pg. 116)
- Author : Akram Naqqash, Sohil Akhtar
- Publication : Aflaak Publications, Gulbarga (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
