zaKHmon ka do-shaala pahna dhup ko sar par tan liya

Aitbar Sajid

zaKHmon ka do-shaala pahna dhup ko sar par tan liya

Aitbar Sajid

MORE BYAitbar Sajid

    zaḳhmoñ do-shāla pahnā dhuup ko sar par taan liyā

    kyā kyā ham ne khashT kamā.e kahāñ kahāñ nirvān liyā

    naqsh diye tirī āshāoñ ko aks diye tire sapnoñ ko

    lekin dekh hamārī hālat vaqt ne kyā tāvān liyā

    ashkoñ meñ ham gūñdh chuke the us ke lams ḳhushbū ko

    mom ke phuul banāne baiThe lekin dhuup ne aan liyā

    barsoñ ba.ad hameñ dekhā to pahroñ us ne baat na

    kuchh to gard-e-safar se bhāñpā kuchh āñkhoñ se jaan liyā

    aañkh pe haat dhare phirte the lekin shahr ke logoñ ne

    us bāteñ chheḌ ke ham ko lahje se pahchān liyā

    sūraj sūraj khel rahe the 'sājid' ham kal us ke saath

    ik ik qaus-e-quzah se guzre ik ik bādal chhān liyā

    zaKHmon ka do-shaala pahna dhup ko sar par tan liya

    kya kya hum ne khashT kamae kahan kahan nirwan liya

    naqsh diye teri aashaon ko aks diye tere sapnon ko

    lekin dekh hamari haalat waqt ne kya tawan liya

    ashkon mein hum gundh chuke the us ke lams ki KHushbu ko

    mom ke phul banane baiThe lekin dhup ne aan liya

    barson baad hamein dekha to pahron us ne baat na ki

    kuchh to gard-e-safar se bhanpa kuchh aankhon se jaan liya

    aankh pe hat dhare phirte the lekin shahr ke logon ne

    us ki baaten chheD ke hum ko lahje se pahchan liya

    suraj suraj khel rahe the 'sajid' hum kal us ke sath

    ek ek qaus-e-quzah se guzre ek ek baadal chhan liya

    Source :
    • Book : Ghazal Calendar-2015 (Pg. 09.02.2015)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY