یہ اصول الکافی کی شرح ہے جو حجۃ کے مسائل پر مبنی، کا تیسرا جز ہے ۔ یہ ایک شیعہ عالم ابو جعفر محمد بن یعقوب بن اسحاق کلینی رازی کی کتاب ہے انہوں نے اس کتاب کو شیعہ و سنی کے معتبر راویوں کی مدد سے تیار کیا تھا اور اس کتاب کو لکھنے کے لئے ان کو بیس سال کا عرصہ لگا ۔ انہوں نے دور دراز علاقوں کا سفر کیا عراق ، ایران ، عرب اور شہری و دیہی علاقوں تک خود جا جاکر احادیث سنی پھر اس کو لکھا ۔ اس کتاب کو شیعہ تعلیمات کے احکام کو استنبات کرنے کےلئے ایک اہم اور بنیادی ماخذ مانا جاتا ہے ۔ یہ کتاب تین حصوں میں منقسم ہے ، اول الکافی ہے جس میں شیعہ عقاید اور ائمہ کے سلسلے میں منقولہ احادیث درج کی گئی ہیں ، اور یہی حصہ اس کتاب کی شہرت کا سبب بھی ہے کیونکہ یہ شیعی عقاید کو بیان کرتا ہے اس لئے ہمیشہ اس کو سینے سے لگایا گیا ہے ۔ کتاب کو اصول کے عنوان سے بیان کیا گیا ہے اس پر شرح لکھی گئی ہے کتاب متعدد ابواب پر مبنی ہے ہر اصل کے لئے قرآن و احادیث صحیحہ سے استدلال کیا جاتا ہے ۔