اس کتاب میں شاہ ولی اللہ اور ان کے خاندان سے واقفیت سے کے ساتھ ساتھ اس دور کی فکری تاریخ بھی ہمارے سامنے آتی ہے. "الواح الصنادید" قبرستان مہندیان میں مدفون اہم ہستیوں اور مدرسہ رحیمیہ کا تذکرہ ہے ، جس طرح سر سید ؒ نے آثار الصنادید کے ذریعہ مغلیہ دور کے آثار کو کتابی شکل میں پیش کیا اسی طرح مولانا مفتی عطاء الاحمن قاسمی نے "الواح الصنادید" لکھ کر ہندوستان کے ان مرحوم اکابر ، علماء، مشائخ ، اولیاۓ اور اصفیاء کو زندہ جاوید کیا ہے جو قبرستان مہندیان میں مدفون ہیں ، اس کتاب میں شاہ ولی اللہ محدث دہلوی کے سلسلوں کے مشائخ پر تفصیل کے ساتھ روشنی ڈالی ہے ساتھ ہی ساتھ شاہ ولی اللہ ؒ کے والد حضرت شاہ عبد الرحیم نے جو مدرسہ رحیمیہ قائم کیا تھا جو آج بھی ایک عظیم مدرسہ کی شکل میں موجود ہے اس مدرسے کی تفصیل بھی اس کتاب میں موجود ہے کہ شاہ عبد الرحیم صاحب کے بعد ، حضرت شاہ ولی اللہ محد ث دہلوی ؒ نے اسی مدرسہ رحیمیہ میں پوری زندگی درس و تدریس میں گزاری اور اس کے بعد شاہ عبد العزیز ، شاہ رفیع الدین ، شاہ عبد القادر اور شاہ عبد الغنی نے یہی اپنی تعلیم مکمل کی اور یہیں تدریسی خدمات انجام دیں۔