راجہ مہدی علی خاں ،نغمہ نگار، مزاح نگاراور شاعر تھے ۔یہ ان کا دوسرا مجموعہ ہے جو ۱۹۶۱ میں دہلی سے شائع ہوا۔انھوں نے بہت کم عمر پائی،محض ۳۷ سال کی عمر میں انتقال ہوا۔یہ مجموعہ کل ۵۳ نظموں پر مشتمل ہےجن کی خصوصیت یہ ہے کہ زیادہ تر نظمیں مکالماتی طرز پر لکھی گئی ہیںاورعام سےموضوع کوسادہ اور سلیس زبان میں ایسے بیان کیا ہے کہ دیکھے بھالے مناظر نئے معلوم ہوتے ہیں۔

راجہ مہدی علی خاں بیسویں صدی میں اردو کے نامور مزاح نگار راجہ مہدی علی خاں مغربی پنجاب کے شہر وزیر آباد (اب پاکستان) میں 1915 میں پیدا ہوئے۔ راجہ مہدی علی خاں کا تعلق مولانا ظفر علی خاں کے خاندان سے ہے اور اس لحاظ سے وہ پیدائشی شاعر تھے کہ ان کی والدہ معروف شاعرہ تھیں جو ح، ب صاحبہ کے نام مشہور تھیں۔ راجہ مہدی علی خاں نے اپنے کیریئر کی ابتدا ادبی صحافت سے کی، ماہنامہ عالم گیر، ہفت روزہ خیام، تہذیب نسواں، دو پھول، جیسے جرائد میں کام کیا اس کے بعد وہ ریڈیو سے منسلک ہوگئے، بعد میں وہ بمبئی پہنچے اور فلمی دنیا میں بحیثیت گیت کار انہوں نے خاصی مقبولیت حاصل کی۔ ان کے تخلیق کردہ فلمی نغمے آج بھی کانوں میں رس گھولتے ہیں۔ بمبئی کی فلمی دنیا میں مصروفیت کے باوجود ان کی بہترین طنزیہ و مزاحیہ تخلیقات ہندوپاک کے اخبار و جرائد میں شائع ہوتی ہیں۔