زیر تبصرہ کتاب "بیان اقبال نیا تناظر" ڈاکٹر ارشاد شاکر اعوان کی تصنیف ہے، جس میں اقبال کے فکر و فن پر نو مقالات شامل کئے گئے ہیں، جن میں اقبال کی فکر کے ابتدائی خط و خال بیان کئے گئے ہیں ،اس زمانے میں اقبال کی شاعری مناظر فطرت اور مظاہر قدرت کو پیش کرتی ہے۔ اقبال کو مغربی نظریہ قومیت کا حامی گردانا جاتا ہے، مصنف نے اس خیال کو مدلل انداز میں غلط ثابت کیا ہے، اقبال کے متحدہ قومیت کے نظریہ پر اشعار سے دلائل پیش کئے گئے ہیں، متحدہ قومیت سے متعلق سرسید کا نظریہ بھی پیش کیا گیا ہے، ہندوستان میں متحدہ قومیت کے اغراض و مقاصد بیان کئے گئے ہیں، نظم 'نیا شوالہ' اور 'ہمالہ' کے حوالے سے وقیع گفتگو کی گئی ہے، اقبال کے تصور ملت کو مدلل انداز میں بیان کیا گیا ہے، پاکستان اسکیم میں علامہ اقبال کے کردار کو واضح کیا گیا ہے، اور بہت سے اشکالات کے جوابات دئیے گئے ہیں، مکتوبات کی روشنی میں دعویٰ کو مدلل کیا گیا ہے، کتاب اقبال کی شاعری اور ان کی فکر کے اور بھی بہت سے اہم پہلوؤں سے واقف کراتی ہے۔