لکشمی نرائن شفق کا ریختہ گو شعرا پر مشتمل فارسی زبان مین ایک بہترین تذکرہ ہے۔ جس میں انہوں نے اردو زبان کے شعرا کا تذکرہ کیا ہے۔ شفیق نے اس تذکرہ کو میر کے تذکرہ کے جواب میں لکھا، یہ ایک فارسی تذکرہ ہے جس میں تقریبا ۲۱۴ شعرا کا ذکر ہے۔ اس تذکرے کی ترتیب حروف تہجی کے بجائے حروف ابجد یعنی حساب جمل کے لحاظ سے رکھی ہے۔ عبارت آرائی کے نمونے اس کتاب میں جابجا نظر آتے ہیں مگر اس کے باوجود بھی وہ کتاب کو گنجلک نہیں ہونے دیتے اور بعض مقامات پر وہ اپنی بیش قیمت رائے بھی پیش کر دیتے ہیں۔ انہوں نے کسی بھی شاعر کے بارے میں غلو سے کام نہیں لیا سوائے "یقین " کے۔ یقین کے بارے میں جب وہ ذکر کرتے ہیں تو ان کا سودائی قلم رقص کرنے لگتا ہے اور وہ مبالغہ و غلو کی حدود کو چھلانگتے ہئے نظر آتے ہیں بلکہ ان کے یہاں یقین سودا سے بڑا شاعر تصور کیا جاتا ہے اور یہ ان کی ذاتی پسند ہے۔ شفیق نے اس تذکرے کو عنفوان شباب یعنی 18 سال کی عمر میں ترتیب دیا ہے۔ اردو زبان کے بہترین تذکروں میں اس کو شمار کیا جاتا ہے۔ یہ ایک ضخیم تذکرہ ہے۔ اس تذکرہ کو مولوی عبد الحق نے مرتب کیا ہے۔ مقدمہ میں تذکرہ کی خصوصیات اور دیگر معلومات کا بڑی تفصیل سے ذکر کیا ہے۔