"جرنیلی سڑک"وادی ء پشاور سے سرزمین بنگالہ تک پندرہ سو میل لمبی باضابطہ سڑک ساڑھے چارسو سال پہلے ہندوستان کے افغان بادشاہ شیر شاہ نے بنائی تھی۔بعد میں اسے انگریزحکمرانوں نے وہ شکل دی جس میں آج یہ موجود ہے۔1987ء میں بی بی سی لندن کی اردو سروس نے اس سڑک کو موضوع بناکر ایک ریڈیائی دستاویزی پروگرام نشر کیا ۔اسی پروگرام کو اس کتاب میں بعنوان "جرنیلی سڑک" پیش کیا گیا ہے۔یہ کتاب دیکھنے میں سفر نامہ ہے مگر یہ سفر نامہ نہیں ۔کبھی کبھی اس پر تاریخ کی داستانوں کا گماں بھی ہوتا ہے لیکن یہ تاریخ کی داستاں بھی نہیں۔یہ کتاب حالیہ دہائیوں میں آنے والے غیر معمولی سماجی تغیر کا مشاہدہ ہے۔چونکہ یہ کتاب ایک ریڈیو پروگرام کے مسودے پر مبنی ہے۔اس لیے اس کی ساری تحریر گفتگو کی زبان میں ہے۔پشاور سے کلکتے تک جن بزرگوں،جوانوں ،عورتوں اور بچوں کے انٹریو اس میں شامل ہیں۔ان کاعلاقائی لب و لہجہ اور روزمرہ بات چیت کا انداز جان بوجھ کر جوں کا توں رکھاگیا ہے۔یہ کتاب سفر نامے کی طرح دلچسپ اور معلوماتی ہے۔

Raza  Ali Abidi, A famous  Pakistani Journalist and author,  born on 30th December 1935 at Rourkee, India. Moved to Karachi  with his family in 1950, and then migrated to London and worked for  the BBC (Urdu) from 1972 till 2008. He is best known for  his  radio documentaries. One of them is about the Grant trunk Road, titled  “jurnaili  Sadak” and  the other , his travelogue  along  the banks of the Indus river . They are available in the book form too.    He has  several  other books to his credit.   He has also written and compiled many interesting books for children.