زیر تبصرہ کتاب "ہندوستانی مفسرین اور ان کی عربی تفسیریں" محمد سالم قدوائی کی تصنیف ہے، پیش لفظ میں اسلامی تاریخ سے متعلق اہم معلومات فراہم کی گئی ہے، اور کتاب کے حوالے سے اہم گفتگو کی گئی ہے۔ کتاب میں تفسیری کتابوں کو چار حصوں میں تقسیم کیا گیا ہے، اور ہر حصہ الگ الگ نوعیت کی تفسیری کتابوں پر مشتمل ہے۔ پہلے حصہ میں مکمل تفسیری کتابوں کا تعارف کرایا گیا ہے، ان سے متعلق تحقیقی معلومات پیش کی گئی ہیں، ان کی خوبیاں ذکر کی گئی ہیں، ان کا معیار و مقام واضح کیا گیا ہے۔ دوسرے حصہ میں ان کی کتابوں کا تعارف کرایا گیا ہے، جو قرآن کریم کے کسی ایک حصہ پر مشتمل ہیں۔ تیسرے حصہ میں تفسیری کتابوں پر لکھے حواشی اور شرحوں سے متعلق اہم گفتگو کی گئی ہے۔ اور چوتھا حصہ علوم قرآن سے متعلق بحثوں پر مشتمل کتابوں سے متعارف کراتا ہے۔ کتاب میں ان تفسیروں اور مفسرین کا بھی تذکرہ کیا گیا ہے، جن کی کتابیں دستیاب نہیں ہیں۔ کتاب ہندوستانی علماء کی تفسیری خدمات سے بخوبی واقف کراتی ہے۔