intikhab-e-deewan-e-qadr bilgarami

About The Book

پیش نظر قدر بلگرامی کا دیوان ہے۔ قدر کا اصل نام سید غلام حسین تھا اور قدر تخلص تھا۔ قصبہ بلگرام میں پید اہوئے، ابتدائی تعلیم یہیں حاصل کی۔ قدر بچپن سے ہی ذہین و فطین تھے۔ واجد علی شاہ کے عہد میں لکھنو آئے، یہاں کے ادبی ماحول نے قدر کو شعر و شاعری کی طرف مائل کیا۔ امان علی سحر سے فن شعر کے اسرار و رموز سیکھے۔ جلد ہی شعری فن میں ماہر ہوگئے۔ قدر کو علم عروض اور تاریخ گوئی میں بھی مہارت حاصل تھی۔ قدر کے کلام میں غالب، سحر اور میر انیس کے کلام کے اثرات نمایاں ہیں۔ انھوں نے تقریبا ہر صنف سخن میں طبع آزمائی کی ہے۔ پیش نظر قدر کے دیوان کا انتخاب ہے۔ جس کو محمد نسیم خاں نے اپنے مبسوط اور مستند مقدمے کے ساتھ مرتب کیا ہے۔ اس مقدمے میں قدیر کی ولادت، حالات زندگی، شعرگوئی کی ابتدا، عہد قدر کا ادبی، سماجی ماحول، اساتذہ کرام، پر مفصل معلومات فراہم کرتے ہوئے، کلام قدر کا تجزیاتی مطالعہ بھی پیش کیا گیا ہے۔

by Qadr Bilgrami