اسماعیل میرٹھی

کتاب: تعارف

زیر تبصرہ کتاب "اسماعیل میرٹھی حیات و خدمات" ڈاکٹر سیفی پریمی کی تصنیف ہے، جس میں اسماعیل میرٹھی کے سوانحی حالات اور شخصیت و کردار کے ساتھ ادبی اور سیاسی ماحول کو پیش کیا گیا ہے، ان کی شاعری کے موضوعات اور خوبیاں بیان کی گئی ہیں، اسماعیل میرٹھی کی جدید شاعری کے عناصر واضح کئے گئے ہیں، بچوں کے ادب میں ان کی خدمات پر تفصیلی گفتگو کی گئی ہے، اسماعیل میرٹھی کی نثر نگاری پر بھی گفتگو کی گئی ہے، اور نثری نمونے بھی پیش کئے گئے ہیں، جن میں تقریر، مکتوب اور دیباچہ وغیرہ شامل ہیں، یہ کتاب اردو ادب میں اسماعیل میرٹھی کے مقام کا تعین کرتی ہے۔

.....مزید پڑھئے

مصنف: تعارف

سیفی پریمی ترقی پسند تحریک سے وابستہ اہم شاعروں اور افسانوں نگاروں میں سے ہیں۔ بدایوں کے قصبے گنور میں 2 جنوری 1913 کو پیدا ہوئے۔ بدایوں میں ابتدائی تعلیم حاصل کی۔ طالب علمی کے زمانے میں ہی شعر وشاعری سے شغف ہو گیا تھا، ابر احسن گنوری سے اصلاح لینے لگے۔ 1952 میں ترقی پسند تحریک سے وابستہ ہوئے اور زندگی بھر تحریک کے مقاصد کے حصول کے لئے کوشاں رہے۔ وہ جامعہ نگر دہلی کی انجمن ترقی پسند مصنفین کی شاخ کے سکریڑی بھی رہے۔
سیفی کی کئی کتابیں شائع ہوئیں۔ کچھ کے نام یہ ہیں۔ ’خلش‘ شعری مجموعہ ’ہمارے محاورے‘ ’منزلیں پیار کی‘ ناول ’جگر بریلوی شخصیت اور فن‘ ’ حیات اسمعیل میرٹھی‘ ’آدھی گھڑی‘ ناول ہندی سے ترجمہ ۔

.....مزید پڑھئے

by سیفی پریمی