ایسی ہلکی پھلکی کتاب جو چھوٹے بچوں کے لئے لکھی گئی ہو اور بچے بھی اسے پسند کرنے لگیں بڑی بات ہے کیونکہ بچے کے ذہن کو سمجھنا آسان نہیں ۔ اس کے باوجود مصنف نے اس کتاب کے ذریعہ بچوں کے ذہن میں گھرکرلیا یعنی بچوں کے ذہن کو سمجھ لیا،قابل ستائش ہے۔ اس کتاب میں بچوں کی دلچسپ نظمیں تصاویر کے ساتھ دی گئی ہیں تاکہ بچے پڑھتے ہوئے فوٹو سے بھی لطف لیں۔ اس کتاب کی نظمیں گرچہ بچوں کے لئے ہیں مگر قافیے، وزن ، آہنگ اور الفاظ کی نزاکتوں پر بغیر مہارت کے یہ ممکن نہیں ہے اور اس کتاب کی نظموں میں یہ سب کچھ صاف طور پر نظر آ رہا ہے۔

صوفی غلام مصطفی،تخلص تبسم(پہلا تخلص صوفی) ۔4؍اگست1899 کو امرتسر میں پیدا ہوئے۔امرتسر سے میرٹک کیا۔بی اے اور بی ٹی لاہور سے کیا اور محکمہ تعلیم میں ملازم ہوگئے۔پھر فارسی میں ایم اے کرنے کے بعد سنٹرل ٹریننگ کالج،لاہور میں علوم شرقیہ کے پروفیسر ہوگئے۔بعد ازاں گورنمنٹ کالج،لاہور کے شعبہ فارسی کے صدر مقرر ہوئے وار یہیں سے1959میں ریٹائر ہوئے۔1962 میں ہفت روزہ’’لیل و نہار‘‘ کے ایڈیٹر مقرر ہوئے ۔لاہور کے ایرانی ثقافتی ادارے اور ریڈیو پاکستان سے بھی منسلک رہے۔فارسی، اردو اور پنجابی تینوں زبانوں میں شعر کہتے تھے۔بچوں کے لئے بہت سی نظمیں لکھیں۔’’انجمن‘‘ کے نام سے ان کلام چھپ گیا ہے۔7؍فروری1978 کو لاہور میں انتقال کرگئے۔ان کی علمی اور ادبی خدمات کے اعتراف میں انہیں1962 میں ’’دستارۂ خدمت‘‘ اور 1967 میں ’’ستارۂ امتیاز‘‘ اعزازات سے نوازا گیا۔