سر سید احمد خان کا شمار ہندوستان کی ان معتبر اور عظیم شخصیتوں میں ہوتا ہے۔ جنہوں نے تعلیم ، سیاست ، مذہب ، ادب ، معاشرت ، صحافت وغیرہ میں بڑے بڑے کار نامے انجام دے کر ہماری تاریخ میں لافانی نقش قدم چھوڑے اور زندگی کے ہر شعبۂ جات میں ہماری رہنمائی اور رہبری کی ہے۔زیر نظر کتاب ڈاکٹر وسیم راشد کا تحقیقی مقالہ ہے جس پر ڈاکٹر وسیم راشد کو پی ایچ ڈی کی ڈگری کی تفویض کی گئی تھی ۔زیر نظر کتاب میں جہاں مقالہ نگار نے سر سید کے مخالفین کا احاطہ کیا ہے وہیں ایسے مخالفین کے چہروں سے بھی پردہ اٹھایا ہے جومخالفت کے با وجود سر سید کی موافقت کیے بنا نہ رہ سکے۔یہ پہلا تحقیقی مقالہ ہے جو مخالفین کو یکجا کرتا ہے۔ ابھی تک سرسید پر ہزاروں مقالے لکھے گئے ، تاہم سرسید کے مخالفین پر کوئی مبسوط مقالہ نہیں ہے۔اس مقالہ کو پانچ ابواب میں تقسیم کی گیاہے ، پہلاباب :سر سید کی شخصیت کے حوالے سے ہے ، دوسرے باب میں ، سر سید کے مذہبی ، ادبی اور سیاسی افکار کا جائزہ پیش کیا گیا ہے ، تیسرے باب می سر سید کے تعلیم اور تربیت کے نظریات کو بیان کی گیا ہے ، چوتھے باب میں ، سر سید کے معاصرین کا تذکرہے ، جبکہ پانچواں اور آخری باب مقالے کا ماحصل ہے۔