زیر تبصرہ کتاب "تصریحات" محمد مظہر الدین صدیقی کے مضامین کا مجموعہ ہے۔ جس میں ادبی اور مذہبی موضوعات پر مشتمل مضامین شامل ہیں۔ پہلا مضمون حسن کی ستمرانیاں ہے، اس مضمون میں حسن کی تخریب کاریوں اور بے حیائی و فحاشی کی صورت حال کو پیش کیا گیا ہے، عورتوں کو اس بچنے کی تلقین کی گئی ہے، دوسرے مضمون میں حبش کی صورت حال کا نقشہ کھینچا گیا ہے، تیسرے مضمون میں علامہ اقبال کی موت پر غم کا اظہار کیا گیا ہے، اور ان کی شاعری میں موجود پیغام پر گفتگو کی گئی ہے، چوتھے مضمون میں جمہوریت کا تعارف کرایا گیا ہے، جمہوریت اور اس سے متعلق اسلامی نقطۂ نظر پر تفصیلی روشنی ڈالی گئی ہے، پانچویں مضمون میں ہندوستانی مسلمانوں کی تمدنی صورتحال کا نقشہ کھینچا گیا ہے، ساتھ ہی اسلامی تمدن کو بھی مدلل انداز میں بیان کیا گیا ہے، اس طرح مجموعہ میں شامل مضامین متنوع موضوعات پر مشتمل ہیں، اشتراکی مغالطہ کے عنوان سے ایک انگریزی مضمون کا ترجمہ وتشریح بھی پیش کی گئی ہے، جو اشتراکیت سے متعلق اہم معلومات فراہم کرتا ہے۔