مرا پیار وہ ہے کہ مر کر بھی تم کو

مرا پیار وہ ہے کہ مر کر بھی تم کو

جدا اپنی بانہوں سے ہونے نہ دے گا

ملی مجھ کو جنت تو جنت کے بدلے

خدا سے مری جاں تمہیں مانگ لے گا

زمانہ تو کروٹ بدلتا رہے گا

نئے زندگی کے ترانے بنیں گے

مٹے گی نہ لیکن محبت ہماری

مٹانے کے سو سو بہانے بنیں گے

حقیقت ہمیشہ حقیقت رہے گی

کبھی بھی نہ اس کا فسانہ بنے گا

تمہیں چھین لے میری باہوں سے کوئی

مرا پیار یوں بے سہارا نہیں ہے

تمہارا بدن چاندنی آ کے چھو لے

مرے دل کو یہ بھی گوارہ نہیں ہے

کوئی بھی اگر تم سے آ کے ملے تو

تمہاری قسم ہے مرا دل جلے گا