aaj kyun humse parda hai

aaj kyuuñ ham se parda hai

terā har rañg ham ne dekhā hai

terā har Dhañg ham ne dekhā hai

haath khele haiñ terī zulfoñ se

aañkh vāqif hai tere jalvoñ se

tujh ko har tarah āzmāyā hai

pā ke khoyā hai kho ke paayā hai

añkhḌiyoñ kā bayāñ samajhte haiñ

dhaḌkanoñ kī zabāñ samajhte haiñ

chūḌiyoñ kī khanak se vāqif haiñ

chhāgaloñ kī chhanak se vāqif haiñ

nāz-o-andāz jānte haiñ ham

terā har raaz jānte haiñ ham

aaj kyuuñ ham se parda hai

muñh chhupāne se fā.eda kyā hai

dil dukhāne se fā.eda kyā hai

uljhī uljhī laTeñ sañvār ke aa

husn ko aur bhī nikhār ke aa

narm gāloñ meñ bijliyāñ le kar

shoḳh āñkhoñ meñ titliyāñ le kar

aa bhī jā ab adā se lahrātī

ek dulhan kī tarah sharmātī

tū nahīñ hai to raat suunī hai

ishq kī kā.enāt suunī hai

marne vāloñ kī zindagī tū hai

is añdhere kī raushnī to hai

aaj kyuuñ ham se parda hai

aa tirā intizār kab se hai

har nazar be-qarār kab se hai

sham.a rah rah ke jhilmilātī hai

saañs tāroñ kī Duubī jaatī hai

tū agar mehrbān ho jaa.e

har tamannā javān ho jaa.e

aa bhī jā ab ki raat jaatī hai

ek āshiq kī baat jaatī hai

ḳhair ho terī zindagānī kī

bhiik de de hameñ javānī kī

tujh pe sau jaan se fidā haiñ ham

ek muddat ke āshnā haiñ ham

aaj kyuuñ ham se parda hai

aaj kyun hum se parda hai

tera har rang hum ne dekha hai

tera har Dhang hum ne dekha hai

hath khele hain teri zulfon se

aankh waqif hai tere jalwon se

tujh ko har tarah aazmaya hai

pa ke khoya hai kho ke paya hai

ankhDiyon ka bayan samajhte hain

dhaDkanon ki zaban samajhte hain

chuDiyon ki khanak se waqif hain

chhagalon ki chhanak se waqif hain

naz-o-andaz jaante hain hum

tera har raaz jaante hain hum

aaj kyun hum se parda hai

munh chhupane se faeda kya hai

dil dukhane se faeda kya hai

uljhi uljhi laTen sanwar ke aa

husn ko aur bhi nikhaar ke aa

narm galon mein bijliyan le kar

shoKH aankhon mein titliyan le kar

aa bhi ja ab ada se lahraati

ek dulhan ki tarah sharmati

tu nahin hai to raat suni hai

ishq ki kaenat suni hai

marne walon ki zindagi tu hai

is andhere ki raushni to hai

aaj kyun hum se parda hai

aa tera intizar kab se hai

har nazar be-qarar kab se hai

shama rah rah ke jhilmilati hai

sans taron ki Dubi jati hai

tu agar mehrban ho jae

har tamanna jawan ho jae

aa bhi ja ab ki raat jati hai

ek aashiq ki baat jati hai

KHair ho teri zindagani ki

bhik de de hamein jawani ki

tujh pe sau jaan se fida hain hum

ek muddat ke aashna hain hum

aaj kyun hum se parda hai