گیت

ڈھونڈا ہے سارا جہاں آواز دو

چھپ گئے ہو تم کہاں آواز دو

کوئی بھی سنتا نہیں میری پکار

کوئی بھی اپنا نہیں ہے غم گسار

اب کسی کا کس لیے ہو انتظار

جل رہا ہے آشیاں آواز دو

چھپ گئے ہو تم کہاں آواز دو

زخم اپنے اب دکھاؤں کس کو میں

ہم نوا دل کا بناؤں کس کو میں

سن کے میری داستاں آواز دو

چھپ گئے ہو تم کہاں آواز دو

اپنی الفت کا فسانہ یاد ہے

وہ ترا یوں روٹھ جانا یاد ہے

وہ مرا تجھ کو منانا یاد ہے

سونا ہے دل کا جہاں آواز دو

چھپ گئے ہو تم کہاں آواز دو