گیت

پریم کا ساگر سائیں سائیں جب چڑھتا ہے

آوازوں کا ریلا رک کر رہ جاتا ہے

پیار کے جملے کانوں میں رس گھولتے ہیں

اس دم من میں بس اک چہرہ بس جاتا ہے

بدلی جیسے صحرا کو جل تھل کرتی ہے

الفت کے دوران بھی ایسا ہوتا ہے

لیکن وہ جو راہ بدلنے میں ماہر ہیں

ماضی ان کو غیر اہم بے رس لگتا ہے

اک آوارہ بادل جیسا ان کا جیون

یاں ٹھہرا واں برسا اور پھر چل پڑتا ہے

پیار امر ہوتا ہے جگ میں اس عاشق کا

تاج محل جس دل کے اندر بن جاتا ہے