git

jab se mānūs qadmoñ kī aahaT ga.ī

giit zaḳhmī hue gungunāhaT ga.ī

mere hoñToñ kī vo muskurāhaT ga.ī

ai sakhī ab na vo lauT kar ā.eñge

diip dahlīz par ab rakhūñ kis liye

kis kī ḳhātir jalā.ūñ maiñ dil meñ diye

ashk rukte nahīñ lab to maiñ ne siye

ai sakhī ab na vo lauT kar ā.eñge

suntī huuñ sho.ale nafrat ke itne baḌhe

jis meñ ma.asūm insāñ jalā.e ga.e

mere sājan na is aag se bach sake

ai sakhī ab na vo lauT kar ā.eñge

is qadar baḌh ga.ī aaj dahshat-garī

tang insāñ pe hai arsa-e-zindagī

be-kalī be-kalī bebasī bebasī

ai sakhī ab na vo lauT kar ā.eñge

mujh ko jhūTī tasallī na de ab koī

baañT saktā nahīñ merā dukh koī bhī

ab to hai zindagī aur tīra-shabī

ai sakhī ab na vo lauT kar ā.eñge

zinda rahnā hai bachchoñ kā muñh dekh kar

ab ḳhushī kā mire ghar na hogā guzar

bharnā hai ab mujhe karvaTeñ raat bhar

ai sakhī ab na vo lauT kar ā.eñge

jab se manus qadmon ki aahaT gai

git zaKHmi hue gungunahaT gai

mere honTon ki wo muskurahaT gai

ai sakhi ab na wo lauT kar aaenge

dip dahliz par ab rakhun kis liye

kis ki KHatir jalaun main dil mein diye

ashk rukte nahin lab to main ne siye

ai sakhi ab na wo lauT kar aaenge

sunti hun shoale nafrat ke itne baDhe

jis mein masum insan jalae gae

mere sajan na is aag se bach sake

ai sakhi ab na wo lauT kar aaenge

is qadar baDh gai aaj dahshat-gari

tang insan pe hai arsa-e-zindagi

be-kali be-kali bebasi bebasi

ai sakhi ab na wo lauT kar aaenge

mujh ko jhuTi tasalli na de ab koi

banT sakta nahin mera dukh koi bhi

ab to hai zindagi aur tira-shabi

ai sakhi ab na wo lauT kar aaenge

zinda rahna hai bachchon ka munh dekh kar

ab KHushi ka mere ghar na hoga guzar

bharna hai ab mujhe karwaTen raat bhar

ai sakhi ab na wo lauT kar aaenge