jiyo to aise jiyo jaise sab tumhaara hai

jiyo to aise jiyo jaise sab tumhārā hai

maro to aise ki jaise tumhārā kuchh bhī nahīñ

ye ek raaz ki duniyā na jis ko jaan sakī

yahī vo raaz hai jo zindagī kā hāsil hai

tumhīñ kaho tumheñ ye baat kaise samjhā.ūñ

ki zindagī kī ghuTan zindagī kī qātil hai

har ik nigāh ko qudrat kā ye ishāra hai

jahāñ meñ aa ke jahāñ se khiñche khiñche na raho

vo zindagī hī nahīñ jis meñ aas bujh jaa.e

koī bhī pyaas dabā.e se dab nahīñ saktī

isī se chain milegā ki pyaas bujh jaa.e

ye kah ke muḌtā huā zindagī kā dhārā hai

ye āsmāñ ye zamīñ ye fazā ye nazzāre

taras rahe haiñ tumhārī mirī nazar ke liye

nazar churā ke har ik shai ko yuuñ na Thukrāo

koī sharīk-e-safar DhūñD lo safar ke liye

bahut qarīb se maiñ ne tumheñ pukārā hai

jiyo to aise jiyo jaise sab tumhaara hai

maro to aise ki jaise tumhaara kuchh bhi nahin

ye ek raaz ki duniya na jis ko jaan saki

yahi wo raaz hai jo zindagi ka hasil hai

tumhin kaho tumhein ye baat kaise samjhaun

ki zindagi ki ghuTan zindagi ki qatil hai

har ek nigah ko qudrat ka ye ishaara hai

jahan mein aa ke jahan se khinche khinche na raho

wo zindagi hi nahin jis mein aas bujh jae

koi bhi pyas dabae se dab nahin sakti

isi se chain milega ki pyas bujh jae

ye kah ke muDta hua zindagi ka dhaara hai

ye aasman ye zamin ye faza ye nazzare

taras rahe hain tumhaari meri nazar ke liye

nazar chura ke har ek shai ko yun na Thukrao

koi sharik-e-safar DhunD lo safar ke liye

bahut qarib se main ne tumhein pukara hai