mujhe bhul na jaana

miltī hai gale sub.h se ye raat suhānī

ruḳhsat huī jaatī hai sitāroñ kī javānī

ab tum bhī sidhāro mirī ummīd kī raanī

lekin zarā is rasm-e-mohabbat ko nibhānā

mujhe bhuul na jaanā

mumkin hai ki duniyā kī tarab-nāk havā.eñ

mumkin hai ki māhaul kī rangīn fazā.eñ

tum ko mirī zanjīr-e-mohabbat se chhuḌā.eñ

lekin mirī ulfat kā diyā tum na bujhānā

mujhe bhuul na jaanā

mumkin hai ki phir ho na sake tum se mulāqāt

mumkin hai ki phir aa na sake utnī hasīñ raat

lekin na bhulānā kabhī jo maiñ ne kahī baat

tadbīr ke hāthoñ meñ hai taqdīr banānā

mujhe bhuul na jaanā

jab chāñd kī sanjogtā sar apnā jhukā.e

jay-māl sitāroñ kā liye haath meñ aa.e

tab tum ko bhī ai kaash mirī yaad satā.e

tum bhī mujhe ik haar tasavvur meñ pahnānā

mujhe bhuul na jaanā

jab nahr ke ā.īne meñ nāhīd kī padman

jugnū ke alaa.ī ko dikhā.e ruḳh-e-raushan

tab tum bhī haTā ke dar-e-ummīd se chilman

aks apnā mire ā.ina-e-dil meñ dikhānā

mujhe bhuul na jaanā

zarrīñ hai 'salām' aaj kā iqrār-e-mohabbat

yā-rab raheñ dil donoñ ke sarshār-e-mohabbat

tā-hashr mahaktā rahe gulzār-e-mohabbat

zinda rahe ham donoñ kī ulfat kā fasāna

mujhe bhuul na jaanā

milti hai gale subh se ye raat suhani

ruKHsat hui jati hai sitaron ki jawani

ab tum bhi sidhaaro meri ummid ki rani

lekin zara is rasm-e-mohabbat ko nibhana

mujhe bhul na jaana

mumkin hai ki duniya ki tarab-nak hawaen

mumkin hai ki mahaul ki rangin fazaen

tum ko meri zanjir-e-mohabbat se chhuDaen

lekin meri ulfat ka diya tum na bujhana

mujhe bhul na jaana

mumkin hai ki phir ho na sake tum se mulaqat

mumkin hai ki phir aa na sake utni hasin raat

lekin na bhulana kabhi jo main ne kahi baat

tadbir ke hathon mein hai taqdir banana

mujhe bhul na jaana

jab chand ki sanjogta sar apna jhukae

jay-mal sitaron ka liye hath mein aae

tab tum ko bhi ai kash meri yaad satae

tum bhi mujhe ek haar tasawwur mein pahnana

mujhe bhul na jaana

jab nahr ke aaine mein nahid ki padman

jugnu ke alai ko dikhae ruKH-e-raushan

tab tum bhi haTa ke dar-e-ummid se chilman

aks apna mere aaina-e-dil mein dikhana

mujhe bhul na jaana

zarrin hai 'salam' aaj ka iqrar-e-mohabbat

ya-rab rahen dil donon ke sarshaar-e-mohabbat

ta-hashr mahakta rahe gulzar-e-mohabbat

zinda rahe hum donon ki ulfat ka fasana

mujhe bhul na jaana